Cleanwatts sei kria Komunidade Enerjia Renovável ho Atlanticeagle Shipbuilding iha estaleiru náutica iha Mondego, Figueira da Foz, ho objetivu atu hametin sustentabilidade, reduz impaktu ambiental no kustu enerjia ba estaleirus, nune´e mos apoiu sosial atu luta kontra mukit ba enerjia iha família sira ne´ebe iha rejiaun ne’e.

Komunidade Enerjia Renovável ne’e sei iha sira nia painel solar fotovoltaiku ho kapasidade 1035 kW, distribuídu iha konstrusaun sira iha estaleiru náutica – Estaleiru Naval AES, iha riu Mondego. Investimentu sei asegura husi Cleanwatts iha ekipamentu no instala, no AES sei fo espasu no infraestrutura sira ne’ebe presiza ba instalasaun refere.

Além reduz kustus, liuhusi projetu ne’e, estaleirus sei iha kapasidade atu prodús/konsumu iha 57% husi sira nia konsumu eletrisidade, durante loron, no sei sai climate positive, hahú prodús enerjia verde liuhusi 80% kompara ho sira nia konsumu total no evita emisaun 367 tonelada ekivalente CO2.

Liuhusi projetu ne’e, estaleiru nautika Atlanticeagle Shipbuilding sei bele apoiu família 708, ho tarifa sosial komunitária média 30% menus kompara ho tarifa merkadu atual,” José Basílio Simões, presidenti Cleanwatts hateten.

Ami nia mos misaun atu apoia sosiedade no komunidade ne´ebe haleu ami, espesialmente sira ne’ebé iha nesesidade, no kontribui ba sustentabilidade enerjétika, ne’ebé sa’e ho relevánsia boot ba futuru jerasaun sira oin mai,” Duarte Sousa, gerente Atlanticeagle, sublinha, no espera “bele ajuda ema ho numeru boot liu tan no kontribui ba hadia vida ba família sira ne’ebé iha nesesidade iha rejiaun ne´e, ba deskarbonizasaun no efisiénsia enerjétika.

Artigo completo em : Ambiente Magazine